Լիբանանում հայկական թաղամասի մոտ հզոր պայթյուններ են լսվել․ իրավիճակը լարված է

«Այդլան մոտ և այդպիսի ուժգնությամբ նախկինում չէինք լսել։ Հարավային Բեյրութի ռմբակոծությունները սովորաբար ավելի հեռվից են լսվում, իսկ այս երկու պայթյունները շատ ուժգին էին»։ Ենթադրվում է, որ այս անգամ հարվածն օդային էր, ինքնաթիռներից, քանի որ հեռվեց լսվող պայթյունների դեպքում ենթադրում են, որ ծովից են հարվածները:

Երկրում բոլոր համալսարանները փակ են, բայց դպրոցներից որոշներն աշխատում են, ամերիկյան երկու համալսարանները ևս փակ են, քանի որ Իրանից սպառնալիք է եղել, որ որպես ամերիկյան հաստատություններ՝ դրանք նույնպես կարող են թիրախավորվել։ Հայկական դպրոցները շարունակում են գործել, սակայն, պետական բոլոր դպրոցները փակ են, քանի որ մեծ թվով գաղթականներ տեղավորվել են դպրոցների շենքերում։

«Ինչ վերաբերում է հայ համայնքին, փառք Աստծո, կորուստներ չունենք, բայց համայնքը իր բոլոր կառույցներով, սովորության համաձայն, ներգրավված է գաղթականներին աջակցելու գործում։ Լիբանանի Հայ Օգնության Խաչը և մյուս կազմակերպությունները տրամադրում են անհրաժեշտ օգնություն՝ դեղորայք, սնունդ և այլ աջակցություն»:

Ընդհանուր առմամբ երկրում սպասողական վիճակ է։ Տնտեսական իրավիճակը լարված է, սոցիալական խնդիրներն էլ պայմանավորված են հենց տնտեսական ծանր դրությամբ։ «Բեյրութի հարավային արվարձաններում գրեթե ոչինչ չի մնացել՝ ոչ աշխատանք, ոչ բնակչություն»:

Միևնույն ժամանակ, ընդգծվում է նաև մեկ դրական հանգամանք․ «Լիբանանում կա ավանդույթ, համայնքը միշտ նշում է Ծաղկազարդն ու Հարության տոնը՝ անկախ բոլոր դժվարություններից։ Այսօր էլ Ավագ Ուրբաթ էր, և եկեղեցին լեփ-լեցուն էր, Հիսուսի թաղման կարգի թափորը՝ կազմակերպված»։

Հարակից հրապարակումներ`